Сомалининг Абуд-вак шаҳрида жангарининг ўқ узиши оқибатида 6 киши ҳалок бўлди, 15 киши яраланди, деб хабар берди Vesti.ru нашри.
Нашр берган маълумотга кўра, жангарининг қўлида Калашников автомати бўлган. Жиноятчининг ўқ узиши оқибатида озиқ-овқат маҳсулотлари тарқатиш марказига келган мусулмонлар жабрланди. Жабрланганларга тиббий ёрдам кўрсатилди. Бўлиб ўтган воқеа юзасидан жавобгарликни мамлакатда фаолият юритувчи террорчилик ташкилотларидан бири ўз бўйнига олди.
