АсосийDunyo

​Феропонт лақабли айиқнинг рақси яширинча видеога олинди (Видео)

'​Феропонт лақабли айиқнинг рақси яширинча видеога олинди (Видео)'ning rasmi

Россиянинг Свердловск вилоятидаги Висимск қўриқхонаси ходимлари Феропонт номли донгдор айиқнинг рақсга тушганини видеога олди, деб хабар берди Vesti.ru нашри.

Феропонт арчазорни хуш кўргани боис кўп вақтини ўша ерда ўтказади. Ходимлар нима учун айиқ аксарият вақтини арчазорда ўтказишини билиш учун дарахтга видеокамера ўрнатишди.

Видеокамера суратга олган кадрлар томоша қилинганда, Ферапонт у ерда рақсга тушиши маълум бўлди. Мазкур воқеа акс этган видео ижтимоий тармоқларда машҳурликка эришди. Ижтимоий тармоқ фойдаланувчилари айиқнинг рақсини юқори баҳолади.

Қўриқхона ходимлари айиқ ўзининг бу қилиғи билан мазкур ер унга қарашли эканлигини, хўжайин ўзи эканлигини билдирмоқчи бўлган. Бундай ҳолатда баъзи бир бўйи паст айиқлар дарахт устига чиқиб, ер уларники эканлигини дарахтни силкитган ҳолда билдиришади. Натижада бошқа айиқлар бу ернинг хўжайини улкан айиқ экан, деб ўйлайди.

Шу билан бирга, Ферапонт дарахтга ишқаланиши орқали ортиқча жунидан халос бўлади. Мутахассиснинг фикрича, маймоқ бир ўқ билан икки қуённи урган: у ўз ҳудудини белгилаган, елкасини қашлаган ва бир пайтнинг ўзида рақсга тушган.


Бошқа янгиликлар