Ҳиндистоннинг Уттар-Прадеш штатида ғалати бузоқча дунёга келди, деб хабар берди Tengrinews.kz нашри.
Бузоқчанинг кўзи ҳайвонникига, бурни ва қулоқлари одамникига ўхшайди. У туғилгандан кейин бир соат яшаб, оламдан ўтди. Аномалия билан дунёга келган мазкур бузоқча ҳақидаги хабарни маҳаллий аҳоли ҳинд илоҳи Вишну қайта туғилди, деб қабул қилди. Диний уламолар бузоқчанинг жасадини махсус тобутга солиб, меҳробга жойлаштирди. Ғаройиб бузоқчанинг жасадини томоша қилиш, унга илоҳга ҳадя этиладиган гулчамбар ва совғаларни топшириш мақсадида Ҳиндистоннинг барча вилоят ва шаҳарларидан одамлар оқиб келмоқда.
