Хитойнинг Ухань шаҳридаги аэропортда йўловчи аёллардан бири Парижга учаётган самолёт рейсига кеч қолгани учун қўймаган аэропорт ходимасини калтаклади, деб хабар берди Lenta.ru нашри.
Полициячилар тўполончи аёлни 10 суткага қамади. Эри ва боласи ҳамроҳлигида йўлга чиққан 36 ёшли аёл қайддан ўтишга 15 дақиқа кеч қолгани туфайли аэропорт ходимаси унга чиптани алмаштиришни ёки қайтаришни маслаҳат берган. Аммо аёл Францияда ўтказилаётган муҳим анжуманда иштирок этиши лозимлигини айтиб, аэропорт ходимасининг таклифига кўнмаган. Бироздан кейин аёлнинг жаҳли чиқиб, ходиманинг юзига шапалоқ тортган.
Шаҳарнинг нуфузли университети докторантурасида ўқийдиган йўловчи аёл Air France компаниясининг қора рўйхатига киритилди. Хитойнинг барча ижтимоий тармоқлари аёлнинг одобсизлигини кескин танқид қилиб, барча ички авиапарвозларга ҳам унга хизмат кўрсатмасликни таклиф этишди.
