Сешанба куни эрталаб Москва метросининг қизил тармоғида рельсга йўловчи йиқилгани сабабли поездлар ҳаракати тўхтатилди, деб хабар берди Ntv.ru нашри.
Воқеа Сокольники линиясининг “Воробьёвы горы” бекатида рўй берди. Рельсга йиқилган йўловчи эркак тирик қолди. Ҳодиса оқибатида поездлар ҳаракати тўхтатилди. Вазиятга ойдинлик киритилмоқда.
Москва метрополитени ўзининг расмий Twitter саҳифасида мазкур ҳодисани тасдиқлади. Орадан 10 дақиқа ўтгач, поездлар ҳаракати йўлга қўйилди.
