Хусусий тадбиркорлик билан шуғулланувчи петербурглик мотоциклчининг катта йўлда рюкзаги очилиб кетиб, беш минг рубллик купюралари шамолга сочилди, деб хабар берди Vesti.ru нашри.
Нашрнинг хабар беришича, паришонхотир миллионер пулининг ҳавога совурилганини дарров пайқамади. У орадан икки кун кутгач, полицияга ариза билан мурожаат қилди.
Ижтимоий тармоқларда йўлда сочилиб ётган пуллар акс этган видеоролик жойлаштирилди. Йўл жуда серқатнов, автомашиналар катта тезликда ҳаракат қилаётганига қарамай, ҳайдовчилар машиналарини тўхтатиб, ердаги пулларни териб олган.
Азиз исмли ишчи ўзининг ҳалоллиги билан бошқаларга ўхшамаслигини исботлади. У бир ярим миллион рублни тўплаб, бошлиғига берди, бошлиқ эса ўз навбатида мазкур пулларни полицияга топширди. Ҳозирча пулнинг эгасига 2 миллион рубль қайтарилди.
