Sevimli

​Самарқанд вилояти ҳокими иш фаолиятида йўл қўйган жиддий камчиликлари учун лавозимидан озод этилди

ЖАМИЯТ 13.06.2017, 10:42
Теглар: Шавкат Мирзиёев, Президент, ҳоким, ​Самарқанд
​Самарқанд вилояти ҳокими иш фаолиятида йўл қўйган жиддий камчиликлари учун лавозимидан озод этилди

Президент Шавкат Мирзиёев 12 июнь куни бўлиб ўтган видеоселектор йиғилишда ҳудудларни ривожлантириш борасида давлат органларининг ўрни ва масъулияти ҳақида сўз юритар экан, ўтган ҳафтада Самарқанд вилоятига ташрифи давомида айрим раҳбарларнинг бефарқлиги ва ҳаракатсизлиги оқибатида бу ҳудудда жуда кўплаб жиддий муаммолар тўпланиб қолгани маълум бўлганини қаттиқ танқид қилди. Айниқса, вилоят ҳокими ва унинг ўринбосарлари, шаҳар ва туманлар ҳокимлари, вилоят идоралари раҳбарлари ўртасида амалий ва соғлом муносабатга путур етгани Самарқанднинг бугунги тараққиётига салбий таъсир кўрсатмоқда.

Вилоят ҳокимининг жамоатчилик ва раҳбарлар фикрини инобатга олмасдан иш тутиши, ижрочилар олдига саёз ўйланган вазифа ва топшириқларни қўйиши, унда журъат ва ташаббускорлик, масъулиятни дадиллик билан ўзига олиш фазилатлари етишмаслиги ҳозирги вақтда вилоятда ўта жиддий ва долзарб вазифаларни ҳал этиш имконини бермаяпти. Халқ билан тўғридан-тўғри мулоқот мавжуд эмас, оммавий ахборот воситалари билан алоқаларда узилиш пайдо бўлган.

Мазкур ҳудудда барпо этилаётган объектларни қуриш, инвестиция маблағларини ўзлаштириш ишлари оқсамоқда, экспортга чиқариладиган маҳаллий маҳсулотлар ҳажмини кўпайтириш таъминланмаяпти. Шаҳар ва туманларда ободончилик, одамлар учун қулай, тоза-озода муҳит яратиш масалалари ҳам ўз ҳолига ташлаб қўйилган. Вилоят молия ва солиқ идоралари солиқ базасини кенгайтириш имкониятларини излаш ва уларни тўлиқ ишга солиш ишлари билан етарли даражада шуғулланмаяпти. Ана шу муаммоларни ҳал этиш, бу йўлда бутун Самарқанд аҳлини бирлаштириш ва ўз ортидан эргаштириш учун вилоят ҳокими Ҳ.Оқбўтаевда билим ва салоҳият, раҳбарлик тажрибаси етишмади.

Ўзбекистон Республикаси Президенти томонидан Самарқанд вилояти ҳокими Ҳ.Оқбўтаев иш фаолиятида йўл қўйган ана шундай жиддий камчилик ва нуқсонлар учун эгаллаб турган лавозимидан озод қилинди.

Шарҳлар

Самарқандда келин "уксус" ичиб ўз жонига қасд қилгани айтилмоқда

28.06.2022, 12:14

Ижтимоий тармоқларда Самарқанд шаҳрининг “Боғбонлар” маҳалласида яшовчи келин ўз жонига қасд қилганлиги ҳақида хабар эълон қилинмоқда. Ҳолат юзасидан Самарқанд вилояти прокуратураси маълумот тақдим этди. Аниқланишича, 2022...
Самарқандда "Nexia-2" ва "Malibu" иштирокидаги ЙТҲда икки нафар ИИБ ходими ва яна бир фуқаро ҳалок бўлди

24.06.2022, 22:42

Тойлоқ туманида охири ўлим билан якунланган ЙТҲ содир бўлди. Бу ҳақда ИИВ матбуот хизмати хабар қилмоқда. Маълум қилинишича, 2022 йил 23 июнь куни соат 00:30ларда Самарқанд...
Ўзбекистон Президенти Барқарор ривожланиш мақсадларига эришишда кенг кўламли халқаро ҳамкорликка чақирди

24.06.2022, 22:11

Ўзбекистон Президенти Шавкат Мирзиёев Хитой Халқ Республикаси Раиси Си Цзиньпиннинг таклифига биноан 24 июнь куни “БРИКС плюс” форматидаги Глобал тараққиёт масалалари бўйича юқори даражадаги мулоқотда...
Ўзбекистон ва Озарбайжон президентлари Хоразмга келди

22.06.2022, 12:13

Давлат ташрифи билан мамлакатимизда бўлиб турган Озарбайжон Президенти Илҳом Алиев 22 июнь куни Хоразм вилоятига келди. Бу ҳақда Президент матбуот хизмати хабар қилмоқда. Уни Ўзбекистон Президенти...
Кун мавзуси: коронавирус
Об-ҳаво: Тошкент
+24.97° очиқ ҳаво
Валюта курси
10850.10
USD -15.84
11344.86
EUR 11.68
198.99
RUB -8.28
1