Волгоград шаҳрида 2018 йилда футбол бўйича жаҳон чемпионати ўтказилиши режалаштирилган “Волгоград-арена” номли стадионда ёнғин чиқди, деб хабар берди Vesti.ru нашри.
14 июнь куни эрталаб, қурилиш майдонида пенопласт ва иситкич ёнган. Ёнғин тезда ўчирилганига қарамай, стадион устида пайдо бўлган қора тутун акс этган видео ижтимоий тармоқларда яшин тезлигида тарқалган. Ҳодиса оқибатида ҳеч ким жабрланмаган. Айни пайтда мутахассислар ёнғиннинг келиб чиқиш сабабларини ўрганмоқда.
