Ҳозир шундай замонки, катта-кичик ёрлиқлар, реклама роликлари бизни бетиним ҳарид қилишга рағбатлантиради. Газета, журнал, телевидение, радио ва ҳар қадамда учрайдиган баннерлардаги кўтаринки кайфият бағишловчи гаплар, чиройли кишилару ширингина болакайларнинг суратлари онгимизга таъсир кўрсатиб, кўп ҳолларда кераксиз буюмларни сотиб олишга чорлайди. Демак, осмонларга чиқариб мақталадиган 20 та кераксиз буюмлар рўйхати билан танишинг!
Пардоз воситалари
Агар ҳар қандай майда-чуйдани энг зарур нарса, деб ишонтириб, катта пулга сотишни эпламаганида гўзаллик саноати аллақачон касод бўларди. Масалан,
Ҳар куни эркаклар соқол олгандан сўнг шу кремни ишлатишади. Аслида, унинг ўрнига юзни шунчаки совуқ сув билан чайса ҳам бўлади. Совуқ сув ҳам юзни тинчлантириб, тери тешикларини торайтиш хусусиятига эга. Фақат кремдан кейин терида хушбўй ҳид қолади.
Скрабнинг таркибий қисмини терининг устки қаватини шўралатиб туширувчи моддалар, масалан, шафтоли данаги пўстлоғининг толқони ёки сунъий йўл билан олинган майда гранулалар ташкил этади. Аммо оддийгина ишқалагич (мочалка) ҳам бу вазифани уддалай олади. Нархи эса скраблардан анча арзон.
Ҳар бир спрейнинг ёрлиғига уни ишлатгандан сўнг сочлар юмшоқ, мулойим бўлиши ва ялтираши ҳақида ёзилади-ю, аммо таркибидаги айрим моддалар сочларда йиғилишининг оқибати тўғрисида айтилмайди. Кимёвий моддалар соч толасини янада хира, жонсиз ва синувчан қилиб қўйиши, гўёки унутилади. Натижада, истеъмолчи бу муаммолардан қутулиш учун яна шундай спрейлардан сотиб олишга ошиқади.
4. Целлюлитга қарши крем
Чиройли идишга қадоқланган бу воситагина сизни целлюлит балосидан халос қилолмайди. Унга “мўъжизакор восита”, деб баҳо берманг. Яхшиси, пулингизни тежанг.
5. Тонал крем
Баҳсталаб маҳсулот. Баъзи аёллар чиндан ҳам усиз пардоз қилишни тасаввур қила олмайди. Ўйлаб кўринг, терингизни жонсиз ранга киритиб, вақтинчалик натижа берадиган бу воситадан кўра, вақти-вақти билан бутун организмингизни тозалаганингиз афзал эмасми? Терини табиий воситалар билан парваришлаб ҳам яхши натижаларга эришиш мумкин!
6. Душ учун гель
Бу восита фақат ёқимли ҳиди ва қўллаш учун қулайлиги билан харидорларни ўзига жалб қилади. Бошқа ҳеч бир алоҳида фазилати йўқ. Яхши мочалка ва сифатли атир совун билан ҳам худди шу натижага эриша оласиз.
Чиройли қомат учун...
Соғлом бўлиш учун спорт билан шуғулланиш керак. Бу борада ҳеч қандай баҳсга ўрин йўқ. Лекин чиройли қомат учун тавсия этиладиган турли хил маҳсулотлар бизга чиндан керакми? Ёки саломатлик ва қомат гўзаллиги фақат уларга боғлиқми? Бу борада кераксиз нарсаларни билиш зарар қилмайди.
7. Спортзал учун абонемент
Ҳайрон бўляпсизми? Аммо яхши жисмоний ҳолатда бўлиш учун спортзалга абонемент сотиб олиш шартмас. Агар ўзингизни яхши ҳис қилиш ва чиройли қоматга эга бўлиш истагида ёнсангиз, бунга кўп пул сарфламай эришса ҳам бўлади. Кўпроқ юринг, югуринг, юқори қаватларга зиналардан кўтарилинг, уйда ҳар куни 20 дақиқа машқ қилинг ва тўғри овқатланинг. Шунинг ўзи кифоя.
8. Парҳез учун маҳсулотлар
Бунга турли мюсли ва ёрмалар (хлопья) киради. Улар, негадир, жуда қиммат туради. Шунчаки сабзавотлар ва дон маҳсулотларидандан шўрва қайнатиб ичиш ҳам худди шундай натижа беради.
9. Уй тренажёрлари
Уйда қўллаш учун ишлаб чиқилган тренажёрлар шакли ва кўп вазифалилиги билан ақлни шоширади. Аммо рекламаларда айтилгандек, бу муаммонгизнинг мутлақ ечими бўла олмайди. Катталиги учун эса кўп жой эгаллайди.
10. Спорт кийими
Микробларга қарши кумуш қопламали футболкалар, терида намликни сақлаб турувчи энг замонавий матолар, микрофибрали пайпоқлар… Маркетологлар пулингизни ҳамёнингиздан чиқаришингиз учун нималарни ўйлаб топишмайди? Аслида сизга бир жуфт яхши кроссовка, бир неча пахта матоли майка, иштон ва пайпоқлар керак бўлади, холос.
11. Оздирувчи дорилар
Йиллар давомида йиғиб келган ёғларингизни битта дори эритиб юборишига ишониб, катта хатога йўл қўйяпсиз!
Болалар учун
Ота-она энг сара ва сифатли нарсаларни фарзандига раво кўради. Маркетологлар эса ана шундан унумли фойдаланади.
12. Нам сальфеткаларни иситиб берувчи мослама
Дунё ақлдан озяптими дейман? Агар сальфетка ростдан ҳам жуда совуқ бўлса, уни кафтлар орасида илитиш мумкин-ку!
13. Баланд стулча
Бу баҳайбат қурилманинг нима кераги бор? Бунга ҳар ким ўзича жавоб беради. Бизни ота-онамиз усиз ҳам катта қилишган-ку... Хуллас, танлаш ҳуқуқи доимгидек ўз қўлингизда.
14. Радиоэнага
Агар икки қаватли катта уйда яшасангиз-у болангизнинг йиғисини вақтида эшитиш имконингиз бўлмаса, бунга эҳтиёж бор, албатта. Аммо оддийгина уйда наҳотки ўз фарзандингизнинг овозини эшитмай қолсангиз?
15. Юргизгич (ходунки)
Биринчидан, миллион йиллар давомида болалар юришга ўзлари ўрганган. Иккинчидан, барча педиатрлар бир овоздан бу мосламанинг боланинг оёқларига зарар эканлигини таъкидлашади. Учинчидан, ўзи юриб йиқилганидан кўра, юргизгичдан йиқилиш бола учун хавфлироқ. Шундай экан, уни харид қилишдан аввал яна бир марта ўйлаб кўринг.
16. Йўргаклаш учун кўрпача
Тўғри, унчалик қиммат турмайди. Аммо, барибир, кераксиз буюм учун пул сарфлашдан нима наф? Битта адёлни икки томонидан қайириб, устида болангизни йўргаклашингиз мумкин-ку!
Рўзғор учун...
Ишни енгиллаштиради, деган воситаларнинг ҳаммасини ҳам харид қилиш шарт эмас. Бўлар-бўлмасга пулни сарфлаймай, уларни тежаймиз.
17. Кир ювиш машинасини қасмоқдан ҳимоялаш воситаси
Кир ювиш машинасининг ўзи қиммат туради. Устига-устак уни қасмоқдан тозалаш учун қиммат воситаларни сотиб олишга мажбур бўламиз. Аслида буни оддийгина лимон кислотаси ҳам уддалай олади. Бунинг учун ювиш воситаси солинадиган бўлмачага лимон кислотаси кукунидан сепиб, пахта матоларни ювиш режимига қўйиб ишлатинг (фақат ичига кир солмайсиз ва “сиқилмасин” деган кўрсатма берилади).
18. Кумуш буюмларни тозалаш воситаси
Кумушни тиш пастаси яхши тозалайди. Ҳўл латтага озгина пастадан теккизиб олиб, буюмларни артинг. Сўнг совуқ сувда чайиб, қуруқ қилиб артилади.
19. Тиқинларни кетказувчи воситалар
Ушбу қимматбаҳо восита ўрнига бемалол истеъмол содасидан фойдаланиш мумкин. Шунчаки уни қувур оғзига бир кунга сепиб, сув оқизиб юбориш кифоя. Агар бу ёрдам бермаса, эски усул – сим билан тозалашни қўллаш керак.
20. Ошхона қоғоз сочиқчалари
Буюм маълум маънода қулай, аммо анчайин қиммат. Оддий сочиқларни ювиш арзонга тушади.
Шаҳноза ТЎРАХЎЖАЕВА тайёрлади.
11.11.2020, 21:22
"Аҳолининг соғлом овқатланишини таъминлаш бўйича қўшимча чора-тадбирлар тўғрисида" ги Президент қарорида қайд этилишича, озиқ-овқат маҳсулотларининг таркибида туз, қанд ва ёғ миқдори инсон соғлиғи учун хавфсиз...
12.01.2017, 15:07
Танангиз мадорсизланаётганини сезаяпсизми, давосини узоқдан ахтарманг-да, уйдаги бор маҳсулотларга диққат қаратинг. Мисол учун, кузда пишадиган қарсилдоқ турпга. У шамоллашда асқотишини ҳаммамиз биламиз, аммо хотирани чархлаши,...
22.12.2016, 15:01
Янги йил арафасида барчага севимли мева – мандаринлар дастурхонимиздан жой олади. Хитойда ушбу цитрус мевани тортиқ қилиш урфга кирган бўлиб, айтишларича бундай совға бахт ва...
21.12.2016, 14:57
Микроблардан муҳофаза қилади, организмдан заҳарли моддаларни ҳайдовчи енгил сингувчи бирлашмаларга бой. Турп сабзавотлар орасида калийга энг бойи. Атеросклероз, подагра, буйрак касалликларида, шунингдек, иштаҳани очиш учун...
