2017 йилнинг ёз мавсумида саёҳат қилиш учун МДҲдаги энг оммабоп шаҳарлар рейтинги тузилди.
Uz24 нашрининг ТурСтат агентлиги маълумотларига таяниб хабар беришича, МДҲнинг 10 та энг оммабоп шаҳарлари рўйхатида Ўзбекистон пойтахти — Тошкент 5-ўринда қайд этилди. Биринчи ўринни Остона шаҳри, кейинги поғоналарни Боку, Минск, Ереван шаҳарлари банд этди.
Агентлик маълумотларига кўра, сайёҳлар Остонага ўртача 3,5 кунга боришади ва меҳмонхонада яшаш учун суткасига 80$ сарфлашади, Минскда — 2,5 кун (60$ бир суткада), Бокуда — 5 кун (75$), Ереванда — 3,5 кун (65$), Тошкентда — 2,5 кун (45$), Олма-отада — 3 кун (70$), Кишинёвда — 1 кун (35$), Бишкекда — 1 кун (32$), Киевда — 2 кун (50$) ва Ашхободда — 2 кун (30$).
Туристлар учун МДҲдаги энг ҳамёнбоп шаҳарлар — Ашхобод ва Бишкек, Остона ва Боку эса энг қиммат шаҳарлар ҳисобланади.
