АсосийSavol-javob

​Кимлар ҳарбий хизматдан озод қилинади?

'​Кимлар ҳарбий хизматдан озод қилинади?'ning rasmi

“Турмуш ўртоғим вафот этган. 1996 йилда туғилган ўғлим бор, у оиланинг ягона боқувчиси сифатида ҳарбий хизматдан озод қилиниши мумкинми?”

Л.Ш.Сирдарё вилояти

Б.МИРСОДИҚОВ, Мудофаа вазирлиги бошқарма бошлиғи:

— Ўзбекистон Республикасининг "Умумий ҳарбий мажбурият ва ҳарбий хизмат тўғрисида"ги Қонунининг 22-моддасига асосан, тинчлик даврида муддатли ҳарбий хизматга ҳамда сафарбарлик чақируви резервидаги хизматга чақирилишдан қуйидагилар озод этиладилар:

  • саломатлигига кўра ҳарбий хизматга яроқсиз деб топилган чақирилувчилар;
  • яқин қариндошларидан бири (ака-укаси, oпa-синглиси) ҳарбий хизматни ўташ вақтида ҳалок бўлган ёки вафот этган чақирилувчилар;
  • рўйхатдан ўтган диний ташкилотлардан бирида диний рутба эгаси бўлган чақирилувчилар;
  • жиноий жавобгарликка тортилган, шунингдек судланганлик ҳолати тугалланмаган ёки судланганлиги олиб ташланмаган фуқаролар ҳарбий хизматга чақирилмайдилар.

    • Бошқа ҳолларда республикамизда жорий этилган чақирувга оид меъёрий ҳужжатларда муддатли ҳарбий хизматга ҳамда сафарбарлик чақируви резервидаги хизматга чақирилишдан озод этиш кўзда тутилмаган.

      Бошқа янгиликлар