Ижтимоий тармоқларда ўз тўйига кетаётган бразилиялик келин ҳаётининг сўнгги дақиқалари акс этган видео пайдо бўлди, деб хабар берди Vesti.ru нашри.
Ҳалокат оқибатида келин билан бирга вертолёт учувчиси ва уч йўловчи ҳам ҳалок бўлган.
Фожиа 2016 йилнинг декабрь ойида Сан-Паулу шаҳрида рўй берганига қарамай, мазкур фожиа акс этган видео фалокатни тергов қилиш жараёнида аниқланди. Келин — Роземере де Насименто Силва куёвга сюрприз қилиш мақсадида осмондан тушмоқчи бўлган. Шунинг учун никоҳ тўйи нишонланаётган жойга “Робинсон-44” вертолётида акаси Сильвано ва фотосуратчи Найяли Кристина Невес ҳамроҳлигида йўл олган. Келиннинг олти ойлик ҳомиласи бўлган. Вертолётни эса Петерсон Пинейро номли учувчи бошқарган. Тўйга йиғилган уч юз нафар меҳмондан бир неча кишигина сюрприздан хабардор бўлган. Вертолёт белгиланган вақтга етиб келмагач, ваҳима кўтарилган. Вертолёт тўйхонадан атиги бир километр узоқликка қулаган. Ҳалокат юз берган жойдан Невес келинни суратга туширган смартфон топилди. Аввалига парвоз кўнгилдагидек давом этиб, вертолёт бирдан пастга қулаган. Терговчиларнинг фикрича, туман қалин бўлгани учун учувчи йўналишни тўғри аниқлай олмай, дарахга урилган.
