“Манчестер Юнайтед” клуби раҳбарияти ёш дарвозабон Жоэль Перейра билан амалдаги шартнома муддати узайтирилганини эълон қилди.
Янги келишув 2021 йилнинг 30 июнигача амал қилади. Манкунианликлар расмий сайтидаги хабарга таянадиган бўлсак, португалиялик дарвозабон билан келишув яна бир йилга узайтирилиши мумкин.
Маълумот учун, 21 ёшли Перейра Швейцариянинг “Ксамакс” клуби тарбияланувчиси ҳисобланади. 2012 йилда у “МЮ” академиясига кўчиб ўтганди. Ўтган мавсум у АПЛда битта ўйин ўтказиб, ўз дарвозаси дахлсизлигини сақлаб қолган эди.
