2018 йили Хитойда бўлиб ўтадиган U-23 Осиё чемпионати финал босқичига йўлланма олиш учун саралаш баҳсларида иштирок этадиган Ўзбекистон U-22 терма жамоаси БААнинг Ал-Айн шаҳрига етиб келди.
Саралашнинг “D” гуруҳи учрашувлари БААнинг Ал-Айн шаҳрида бўлиб ўтади. Мазкур гуруҳда БАА, Ўзбекистон, Ливан ҳамда Непал ёшлар терма жамоалари Осиё чемпионати финал босқичига чиқиш учун кураш олиб боради.
12 июль куни Равшан Ҳайдаров бошқарувидаги жамоа Дубайдан 100 км узоқликдаги Ал-Айн шаҳрига етиб борди ва Danat меҳмонхонасига жойлашди. Шу куннинг ўзида жамоа футболчилари маҳаллий вақт билан соат 20:00 да “Ал-Айн” футбол клубига тегишли машғулотлар базасида турнирдаги илк машғулотини ўтказди. Дастлабки кун асосан чигалёзди машғулотлар олиб борилди ва футболчиларнинг функционал ҳолати кўздан кечирилди.
Эслатиб ўтамиз, U-23 Осиё чемпионати финал босқичига Хитойдан ташқари саралашнинг 10 та гуруҳи ғолиблари ҳамда ушбу 10 та гуруҳда энг яхши кўрсаткичга эга яна 5 та жамоа иштирок этиш ҳуқуқига эга бўлади.
Ўзбекистон ёшлар терма жамоаси саралаш турнирини 15 июль куни Ливан ёшларига қарши ўйин билан бошлайди. Иккинчи турда Равшан Ҳайдаров жамоаси Непалга қарши майдонга тушса, сўнгги турда мезбон – БАА терма жамоасига қарши баҳс олиб боради.
Аввалроқ хабар берилганидек, мазкур турнирда Ўзбекистон ёшлар терма жамоаси 22 нафар футболчи билан иштирок этмоқда.
Қуйида саралаш турнири учрашувлари тақвими билан танишиш мумкин:
U-23 ОЧ–2018 саралаши, “D” гуруҳи
15–19 июль. Ал Айн, БАА
“Таҳнун Бин Муҳаммад” стадиони
1-тур | 15 июль
БАА – Непал (соат 18:25)
Ўзбекистон – Ливан (21:25)
2-тур | 17 июль
Непал – Ўзбекистон (18:25)
Ливан – БАА (21:25)
3-тур | 19 июль
БАА – Ўзбекистон (18:25)
Ливан – Непал (21:25).
Эслатма: Учрашувларнинг бошланиш вақти Тошкент вақти билан кўрсатилган.
15.03.2023, 11:00
FIFA навбатдаги жаҳон чемпионати формати борасида қарор қабул қилди ва уни тасдиқлашга яқин турибди, дея ёзди "zamon.uz".Бу 48 та жамоа иштирок этадиган биринчи жаҳон чемпионати...07.05.2022, 09:03
Хабарингиз бор 17-18 май кунлари Тошкентда Италия ва Ўзбекистон футболи афсоналари учрашуви ўтказилиши режалаштирилган. Ўзбек футболининг 110 йиллигига бағишлаб ўтказилаётган ушбу ўйинда узоқ йиллар давомида...23.10.2021, 22:16
Суперлиганинг 23-туридан ўрин олган "Қўқон-1912" - "Локомотив" (2:1) учрашувидан сўнг меҳмонлар бош мураббийи Микаэль Секейра фикрларини билдириб ўтди.Португалиялик мутахассис ўйиндан кейин ўзбек футболидаги тизимни кескин...22.10.2021, 14:47
Бортида Олмаотанинг “Қайрат” клуби футболчилари ва мураббийлар штаби бўлган самолёт ҳалокатга учради. Бу ҳақда Vesti.kz хабар бермоқда.Қайд этилишича, ушбу ҳодиса Олмаота халқаро аэропортида содир бўлган. FlyJet авиакомпаниясига...