Афғонистон ғарбидаги Ҳирот шаҳридааги шиалар масжидига жангариларнинг ҳужуми оқибатида қурбон бўлганлар сони 29 кишига етди, 64 киши жароҳатланди, деб хабар берди Ria.ru нашри .
Кеча, 1 август куни ибодат учун юзлаб кишилар тўпланган вақтда икки террорчи масжидга ҳужум қилган. Дастлаб жангарилар қўриқчиларни нишонга олган, сўнгра масжид ичкарисига кириб, одамларни ўққа тута бошлаган. Улар бир нечта гранатани одамлар тўдасига ирғитгач, ўзларини портлатиб юборган.
