Техаслик, номи ошкор этилмаган овчи ноқулай вазиятга тушиб қолди, деб хабар берди Vesti.ru нашри.
Овни хуш кўрувчи эркак йўл бўйида турган зирҳли ҳайвон (броненосец)га қарата ўқ узган. Ҳайвоннинг зирҳига келиб теккан ўқ қайтиб бориб, овчининг иягига теккан. У жиддий жароҳат билан касалхонага ётқизилди.
Полициячиларнинг сўзларига қараганда, эркак ҳеч қандай қонунбузарликка йўл қўймаган. Айни пайтда овчи эркакнинг аҳволи қониқарли даражада. Ҳайвоннинг аҳволи номаълум. Полициячилар ўқ узилган ҳайвонни излаб топишолмади.
