Ўтган ҳафтада барча ОАВлар 45 ёшли бошловчи Андрей Малаховнинг Биринчи каналдан кетганлигини муҳокама қилган эди, деб ёзди Сosmo.ru нашри.
Тахминларга кўра, Андрей Малахов продюсер билан келиша олмаган, аслида эса унинг ишдан кетишига бошқа нарса сабаб бўлгани аниқланди. Нашрнинг хабар беришича, яқинда Малаховнинг оиласи бир кишига кўпаяди. Телебошловчининг рафиқаси, 37 ёшли Наталья Шкулева ҳомиладор эканлиги маълум бўлди.
Эр-хотин Малаховлар бу янгиликка изоҳ беришмади, аммо Андрейнинг яқинлари у ҳомиладор рафиқасининг олдида бўлиш учунгина ишдан бўшаганлигини маълум қилишди. Телебошловчи “Пусть говорят” кўрсатувини тарк этишни истамаган, у кўпроқ рафиқаси билан бирга бўлиш учун декрет таътилига чиқмоқчи бўлган. Бироқ телебошловчининг бу қарори телеканал раҳбариятига ёқмаган, унга ишни давом эттириш ёки ишдан бўшаб, чақалоққа энагалик қилиш ультиматуми қўйилган.
Россия қонунчилигига биноан нафақат она, балки ота, аёлнинг бирор яқин қариндоши ҳам декрет таътилига чиқиши мумкинлиги учун Андрей Малаховнинг телеканал раҳбариятининг мазкур ультиматумидан жаҳли чиқди. Оқибатда у оилани ишдан устун қўйди!
