Метро ходими метро бекатида “концерт” қўяётган артистларни ҳайдамоқчи бўлганда, уларни ўткинчилар ҳимоя қилди, деб хабар берди Tjournal.ru нашри.
Москваликлар “Медведково” метро бекатида “концерт” қўйган кўча мусиқачиларининг томошани тугатишларига ёрдам беришди.
Артистлар бир нечта пақирларни тўнтариб қўйиб, мусиқа чалишди. Уларнинг “концерти”ни томоша қилиш учун атрофларига томошабинлар йиғилди. Одамлар тўпланганлигини кўрган метро ходими пақирни тепиб, мусиқачилардан зудлик билан бекатни тарк этишни сўради. Метро ходимининг ёнига келган ўткинчилар “концерт томоша қилишга халақит қилмасликни” илтимос қилишди. Метро ходими ўткинчиларнинг илтимосидан кейин уларни тинч қўйди, мусиқали концерт эса давом этди.
