Тадқиқотчилар дунёнинг 140 та шаҳрини ўрганиб, уларнинг қайси бири яшаш учун қулайлигини маълум қилди, деб хабар берди Tvzvezda.ru нашри.
Австралиянинг Мельбрун шаҳри еттинчи маротаба дунёнинг яшаш учун қулай бўлган шаҳарлар рўйхатига етакчилик қилмоқда. Бу ҳақда CNN телеканали Economist Intelligence Unit томонидан тузилган йиллик рейтингга асосланиб, 100 балли системадан 97,5 балл тўплаган Мельбрун шаҳри биринчиликни эгаллаганлигини маълум қилди.
Тадқиқотчилар дунёнинг 140 та мамлакатини ўрганиб чиқишди. Социологлар шаҳарларни ўрганиш жараёнида унинг хавфсизлиги, соғлиқни сақлаш тизими, маданияти, атроф-муҳитни ҳимоя қилиш, таълим тизимларига ва инфраструктурасига эътибор қаратишди.
Рўйхатнинг иккинчи ўрнини Австриянинг Вена шаҳри (97,4 балл), учинчи ўринни Канаданинг Ванкувер шаҳри (97,3 балл) эгаллади. Шуни таъкидлаш жоизки, мазкур шаҳарлар ўтган йили ҳам худди шу ўринларни эгаллаган эди.
Шунингдек, Канаданинг Торонто ва Калгари, Австралиянинг Аделаида ва Пётр, Янги Зеландиянинг Окленд, Финляндиянинг Хельсинки ва Германиянинг Гамбург шаҳарлари биринчи ўнталикка кирди.
