1

​ДОИРАЧИ АЁЛЛАР ҲАЯЖОНЛАНГАНИ УЧУН ИМОМАЛИ РАҲМОН ХОТИН-ҚИЗЛАР РАИСИНИ ИШДАН ҲАЙДАДИ

ДУНЁ 17.08.2017, 14:16
​ДОИРАЧИ АЁЛЛАР ҲАЯЖОНЛАНГАНИ УЧУН ИМОМАЛИ РАҲМОН ХОТИН-ҚИЗЛАР РАИСИНИ ИШДАН ҲАЙДАДИ

Тожикистон президенти Эмомали Раҳмонга доирачи аёлларнинг ортиқча ҳаяжонланишлари ёқмади. Шу боис, Тожикистон раҳбари хотин-қизлар раисини ишдан олди, деб хабар берди Ru.sputnik-tj.com нашри.

Тожикистон президенти Эмомали Раҳмон мусиқачиларнинг омадсиз чиқиши туфайли амалдор аёлни ишдан ҳайдади.
Хабарда айтилишича, ўтган ҳафтада Тожикистон раҳбари Хатлон вилоятининг Хуросон туманига ташриф буюрган. Анъанага кўра, Раҳмонни кичикроқ концерт билан кутиб олишган. Аммо президент Эмомали Раҳмонга "Очанжонхо" (Онажонлар) доирачи ансамблининг чиқиши манзур бўлмади.

Доирачиларнинг хатолари учун ансамбль раҳбари эмас, балки туман хотин-қизлар ва оила масалалари раиси Зиёда Саломова жавоб берди. Аёл ўша куни ишдан олинди.
Доира чертаётган аёллар эҳтимол, қаттиқ ҳаяжондан ритмга туша олмадилар ва Раҳмон бундан қаттиқ норози бўлди. Зиёда Саломова ўзининг лавозимдан озод этилганидан хафа эмаслигини айтган ҳолда, мусиқачиларнинг хатоси учун ансамбль раҳбари жавоб бериши керак эди, деган фикрни билдирган.

Нашр хабарига кўра, Тожикистонда давлат раҳбарининг ҳар бир ташрифига астойдил тайёргарлик кўрилади.



Шарҳлар

Об-ҳаво: Тошкент
Валюта курси
1