Японияда об-ҳавонинг исиб кетиши оқибатида 2,5 мингдан ортиқ одам жабрланиб, касалхонага ётқизилди, деб хабар қилди Vesti.ru нашри.
Хабар берилишича, ўтган ҳафта билан солиштирганда узоқ кутилган ёмғир натижасида жабрланганлар сони 1602 нафарга камайган. Айни кунларда ҳаво ҳарорати Цельсий бўйича 30 даражага кўтарилган. Японияда 1 майдан бери иссиқ об-ҳаво ҳукмронлик қилиб келмоқда. Иссиқ ҳаво оқибатида 42 киши вафот этди.
Япония ҳукумати мамлакат аҳолисига кўпроқ суюқлик истеъмол қилишни, бош кийимсиз қуёш нурлари тагида узоқ юрмасликни тавсия қилди.
