Таиланднинг Чаченгсау шаҳрида яшовчи 42 ёшли Фанамум Лекен исмли аёл мушуги дераза тагида ўлиб ётганлигини кўриб, даҳшатга тушди, деб хабар берди Vesti.ru нашри.
Аммо мушуги ким томонидан ўлдирилганлигини билган аёл баттар қўрқиб кетди. У 13 ёшли ўғлининг каравоти тагидан улкан бўғма илоннинг думи чиқиб турганлигини кўрди. Яхшиямки, илон болага ҳужум қилишга улгурмади.
Қуйидаги видеороликдан ҳайвонларни ҳимоя қилиш ташкилоти ходимларининг бўғма илонни каравот тагидан олиб чиқаётганлигини кўришингиз мумкин. Илон эркаклардан бирининг қўлини тишлаб олди, аммо жароҳат хавфсиз бўлиб, унга ҳеч қандай зиён етмади. Қўлга олинган илон яқин ўртадаги ўрмонга қўйиб юборилди.
