Ўғрилар Лондоннинг шарқий қисмида жойлашган заргарлик дўконига девордаги тешик орқали кириб, нархи 1,8 миллион фунт стерлинг (2,3 миллион доллар) бўлган тилла ва олмос тақинчоқларни ўғирлаб кетди, деб хабар берди Ria.ru нашри.
Мазкур ўғирликда саккиз киши иштирок этиб, улардан уч нафари катта болға ва лом билан деворни тешган. Қолган ўғрилар эса дўкон ичига кириб, уч соат давомида заргарлик буюмларини ўғирлаб, яна тешик орқали чиқиб кетган.
Ўғирланган заргарлик буюмлари орасида олтин ва олмос кольелар, сирғалар, билагузуклар бўлган. Ҳозирча ўғрилар ушланмаган, тергов давом этмоқда.
