“Барселона” жамоаси “Боруссия Д” клубидан франциялик ярим ҳимоячи Усмон Дембелени трансфер қилганини эълон қилди.
Каталонияликлар матбуот хизматининг хабар беришича, клуб Дембеле трансфери учун 105 млн евро тўлади. Бундан ташқари, футболчининг ўйинидан келиб чиқиб, трансфер суммасининг 40 фоизи ҳажмидаги бонуслар берилиши мумкин.
20 ёшли футболчи каталонлар клуби билан 5 йиллик шартнома имзолайди. Дембеле Барселонага якшанба куни етиб келади ва кейинги куни тиббий кўрикдан ўтиб, шартномага имзо чекади.
