Хабарингиз бор, 25 августдан эътиборан Самарқанд шаҳрида ХI «Шарқ тароналари» халқаро мусиқа фестивали ўтказилмоқда.
Фестиваль арафасида қадимий Самарқандда кенг кўламли ободонлаштириш ва кўкаламзорлаштириш ишлари олиб борилди. Мусиқа форумини ҳар томонлама юқори савияда ўтказиш юзасидан Самарқанд вилоят ҳокимлигида ишчи гуруҳлари ташкил этилиб, зарур чора-тадбирлар белгиланган.
Мусиқа фестивалининг иккинчи куни Регистон майдонига йиғилганлар Жанубий Корея, Малайзия, Буюк Британия, Америка Қўшма Штатлари, Словения, Словакия, Польша, Украина, Исроил, Туркманистон ва Қирғизистон санъаткорларининг гўзал куй-қўшиқлари, бетакрор рақсларидан баҳраманд бўлди.
"Меҳнат таътилига чиқишим билан оиламни олиб Самарқандга келдик. Шарқ тароналарини тинглаб, маданий ҳордиқ чиқариш имконига эга бўлмоқдамиз, – дейди хоразмлик Раҳмат Отахўжаев. – Дунё мусиқаси, маданияти ва санъати билан танишмоқдамиз. Чет эллик меҳмонларнинг юз-кўзидаги мамнуниятни кўриб, шундай мамлакатда яшаётганимиздан фахрланиб кетдик".
Фестиваль қатнашчилари вилоят билан туман ва шаҳарларидаги истироҳат боғларида, мусиқа санъат мактабларида учрашувлар ўтказилиши, концерт дастурлари намойиш этилиши анъанага айланган. Жорий йил ҳам бу каби тадбирларни юқори савияда ўтказиш учун барча зарур шароитлар яратилмоқда.
31.08.2017, 16:17
Бугун, 31 август куни Тошкент шаҳридаги Оқсарой қароргоҳи олдида Ўзбекистоннинг Биринчи Президенти Ислом Каримовнинг ҳайкали очилди. Мазкур маросимда Ўзбекистон Республикаси Президенти Шавкат Мирзиёев ва Ислом...
31.08.2017, 15:32
Ислом Каримов фонди Ўзбекистон аҳлини Мустақиллик байрами билан муборакбод этди ва ўтган йилларнинг қисқа солномаси акс этган видеоролик билан бўлишди. "Ўзбекистон аҳлини Ватанимиз мустақиллигининг 26-йиллиги...
31.08.2017, 12:44
Бугун, 31 август куни қатағон қурбонлари куни муносабати билан "Шаҳидлар хотираси" мажмуида халқимиз озодлиги ва мустақиллиги йўлида қурбон бўлган марҳумларни ёд этиш маросими ўтказилди, деб...
31.08.2017, 12:31
Бугун,31 август куни Тошкентдаги Оқсарой қароргоҳи олдида Ўзбекистон Республикасининг Биринчи Президенти Ислом Каримовнинг ҳайкали очилди.Бу ҳақда "Газета.uz" хабар бермоқда.Ҳайкалнинг очилиш маросимида Президент Шавкат Мирзиёев, Ислом...
