Халқаро Венеция кинофестивалида ўрта асрлар буюк алломаси ва мутафаккири Мирзо Улуғбекнинг ҳаёти ва илмий мероси ҳақида ҳикоя қилувчи "Мирзо Улуғбек. Осмон тоқига қўйилган нарвон" фильми “Энг яхши хорижий ҳужжатли фильм” номинациясида нуфузли "Кинео" мукофотига сазовор бўлди. Бу ҳақда Лола Каримова-Тиллаева Facebook`даги саҳифасида маълум қилди.
Фильм продюсерлари - Лола Каримова-Тилляева ва унинг турмуш ўртоғи Тимур Тилляев, режиссёр - Баҳодир Юлдошев. Ушбу кинолента шу йилнинг июль ойида Италиянинг Искья оролида бўлиб ўтган кинофестивальда ҳам энг яхши ҳужжатли фильм сифатида ғолиб бўлган эди.
