Голливуд актрисаси Анжелина Жоли турмуш ўртоғи Брэд Питтга юрак шаклидаги оролни совға қилмоқчи.
Маълумотларга кўра, Нью-Йоркдан 80 км шимолда жойлашган Петра оролининг қиймати салкам 20 миллион долларни ташкил этиши мумкин. Ушбу ғаройиб совғани Жоли турмуш ўртоғининг эллик йиллик юбилейига тақдим этмоқчи. Ҳозирча бу маълумот тасдиқлангани йўқ.
“Mirror” газетасининг ёзишича,майдони қарийб 4,5 гектарни ташкил этувчи оролда қурилиши 1950 йилларда Питтнинг севимли архитектори Фрэнк Райт лойиҳаси бўйича бошланган бинолар мажмуаси жойлашган. Бундан ташқари, у ерда вертолёт майдончаси ҳам бор.
18 декабрь куни 50 ёшни қаршилайдиган Брэд Питт ва унинг турмуш ўртоғи Анжелина Жоли бир неча йилдан буён бирга яшаб, олти нафар фарзандни тарбияламоқда. Болаларнинг учтаси асраб олинган. Ҳозирча улар расмий никоҳдан ўтгани йўқ. Бироқ баъзи ОАВ тарқатган ва тасдиқланмаган хабарга кўра, ушбу жуфтлик ўтган Рождество пайтида Кариб оролларида яширинча никоҳдан ўтган бўлиши мумкин.
