АҚШ президенти Барак Обама мамлакат Миллий хавфсизлик агентлиги (МХА) раҳбари Кит Александернинг истеъфосини қабул қилишдан бош тортди.
Бундан олдин махсус хизмат раҳбари ушбу лавозимда ишлаш муддатини уч марта узайтирган бўлиб, 2014 йил баҳорида истеъфога чиқишни режалаштираётган эди.
АҚШ президенти маъмурияти Александернинг истеъфо борасидаги сўровини рад этди, аммо бу қарор бир овоздан қабул қилингани йўқ. Оқ уйдагиларнинг кўпчилиги у барибир кетиши
керак, деган фикрда. АҚШ МХА матбуот котиби Вэни Вайнс ўз раҳбарининг телефон суҳбатлари яширин тинглангани учун юзага келган можаро туфайли кетмаётганини билдирди.
Қайд этиб ўтамиз, Кит Александер АҚШ МХА раҳбари лавозимида 2005 йилдан буён ишлайди. Жон Инглис эса 2006 йилдан унинг ўринбосари ҳисобланади. Уларнинг қўш кетиши АҚШ президентига агентликда ҳозирги кун воқеликларига мос равишдаги ислоҳотни ўтказиш ҳамда МХА ва АҚШ ҲҲКнинг Кибернетика қўмондонлиги келажакда алоҳида раҳбарларга эга бўлиш-бўлмаслигига аниқлик киритиш имконини берган бўларди, дея ёзади “Russia Today”.
