20 сентябрь куни Нью-Йоркда ўтказилган Ўзбекистон – АҚШ бизнес форуми доирасида Тошкент шаҳрида Вебстер университети филиалини очиш тўғрисида келишув имзоланди.
Бу Америка олий ўқув юртининг МДҲ мамлакатларидаги биринчи тўлақонли филиали бўлади.
Вебстер университети — 1915 йилда АҚШнинг Миссури штати, Сент-Луис шаҳрида очилган хусусий университет саналади. Университетнинг халқаро кампуслари Европада (Лондон, Лейден, Вена, Женева) ва Осиёда (Таиланд ва Шанхай) мавжуд. Webster университети бизнес, менеджмент, сиёсат, ОАВ ва психология бўйича бакалавриат ва магистратура йўналишида таълим беради.
