Белоруссиянинг Гродно шаҳри фуқароси ҳаракатланаётган иккита “Запорожец” автомобили орасида шпагатга туриб, Жан Клод Ван Даммнинг машҳур трюкини такрорлади.
Евгений Якушнинг айтишича, ушбу трюк Ван Дамм “Volvo” юк машиналари рекламасида бажарганидан ҳам хавфлироқ бўлган. Замонавий юк машиналаридан фарқли ўлароқ, 1961 ва 1969 йилларда чиқарилган “Запорожец” автомобилларида курс стабилизацияси йўқ, шунингдек, Якуш оёқлар учун “страховка”дан фойдаланмаган, бунинг устига ёмғирдан кейин машина ва йўлнинг ўзи сирпанчиқ бўлган.
Гродно шаҳрида рақс студиясига раҳбарлик қилувчи Якуш, Ван Дамм каби кўндаланг эмас, балки қўли билан автомобиль кузовига таянган ҳолда бўйлама шпагатга туриб, ушбу трюкни бироз соддалаштиришга муваффақ бўлган.
Қайд этиб ўтамиз, актёр Жан-Клод Ван Дамм томонидан “Volvo” юк машиналарининг "Dynamic Drive Steering” бошқарув тизими ишончлилигини намойиш этиш учун бажарилган шпагатни
акс эттирувчи видеоролик “YouTube” сервисида 52 миллиондан зиёд марта томоша қилинган.
<center><iframe width="560" height="315" src="//www.youtube.com/embed/jiJYjfHB1cs" frameborder="0" allowfullscreen></iframe></center>
