“Forbes” йилнинг 5 та энг омадсиз фильмини эълон қилди

ШОУ-БИЗНЕС 30.11.2013, 15:58
“Forbes” йилнинг 5 та энг омадсиз фильмини эълон қилди
“Forbes”  журнали 2013 йили экранларга чиққан бешта энг омадсиз кинолента рейтингини тузди.

Уларни баҳолашда касса йиғимлари ва фильмларни чиқаришга сарфланган харажатлар нисбати ҳамда картина рекламаси каби мезонлар инобатга олинган. 

Антирейтингда биринчи ўрин Билл Кондоннинг “Бешинчи ҳокимият” (The Fifth Estate) фильмига берилди. Картина “WikiLeaks” сайтининг асосчиси Жулиан Ассанжнинг ҳаёти ҳақида ҳикоя қилади. “Forbes” маълумотига кўра, умумий бюджети 28 миллион долларни ташкил этувчи ушбу фильм жаҳон прокатида бор-йўғи 6 миллион тўплаган, холос.

Иккинчи ўринни Саймон Уэстнинг актёр Сильвестр Сталлоне иштирокидаги “Шиддатли” (Bullet to the Head) фильми эгаллади. 25 миллион доллар сарфланган ушбу фильм студияга фақат 9 миллион долларни қайтара олди. “Forbes”нинг фикрича, бу “Warner Bros.” студиясининг лента маркетингига етарлича эътибор бермагани билан боғлиқ.

Учинчи ўрин Харрисон Форд ва Гари Олдман иштирокидаги “Паранойя” (Paranoia) фильмига
берилди. Режиссёр Роберт Лукетичнинг ушбу фильми 35 миллион доллар бюджет билан прокатда бор-йўғи 13,5 миллион доллар ишлаб олишга муваффақ бўлди.

Тэйлор Хэкфорднинг Жейсон Стэтхэм ва Женифер Лопес иштирокидаги "Паркер" (Parker) фильми унинг муаллифларига 35 миллион долларга тушди, аммо фильмнинг ўзи 17,5 миллион доллар
ишлаб олди, холос. “Forbes” антирейтингида у тўртинчи ўринни эгаллади.

Ва, ниҳоят, бешинчи ўрин режиссёр Аллан Хьюзнинг “Иллатлар шаҳри" (Broken City) картинасига берилди. Бош ролда Марк Уолберг ўйнаган мазкур фильм прокатда 19 миллион доллар ишлаб олди, ҳолбуки унга 35 миллион доллар сарфланган эди.

Шарҳлар

Об-ҳаво: Тошкент
Валюта курси
1