СПОРТ ПОЙАБЗАЛИНИ ТОЗАЛАЙМИЗ!

Ҳозирда «кроссовка»ларни катаю кичик кияди. Демак, таг қисми оқ рангдаги спорт пойабзалини тозалашнинг тез ва осон йўлларини билиб қўйсангиз, фойдадан холи бўлмайди.

1. Баъзида шошиб турганимизда, йўлга отлана туриб, оёқ кийим тоза эмаслигини кўриб қоламиз. Бундай ҳолатда уни оддий ўчирғич ёрдамида тозалашга уриниб кўринг. Ёки бу тирноқ бўёјини ўчириш воситаси (ацетон)дан фойдаланинг. Бунинг учун аввал паxтани махсус суюқликка ботириб, пойабзалнинг кўринмас жойида синаб кўринг, бир неча сония кутинг. Оёқ кийимингизга зиён етмаганига ишонч ҳосил қилгандан сўнггина, уни тозалашга ўтинг.

2. Шошаётган пайтда тиш пастаси ёрдамга келади. Кирлаган жойни аввал тиш пастаси, кейин тоза мато билан артинг.

3. Лимон кислотаси ёки сирка ҳам пойабзални кулранг доғдан халос этади. Сув ва сиркани 3:1 нисбатда аралаштириб, пойабзалнинг кирланган жойини артинг. Лимон кислотасини эса нам доғ устига сепинг-да, чўткада ишқалаб ювиб ташланг.

4. Ошхонадаги дастёримиз истеъмол содаси оқ рангли эканини утунутган «кроссовка»га ҳам оқаришига умид бериши мумкин. Пойабзал тагини намлаб, истеъмол содасидан сепинг-да, тиш ювиш чўткасида яxшилаб ишқаланг. Бир чайиб олганигиздан кейин ярқирашини кўраверасиз.

5. «Кроссовка» ва «кеда»лар таг қисмини тозалашдан аввал уларнинг ўзини чанг ва кирлардан тозалаб олинг. Агар оёқ кийимнинг уст қисми матодан бўлса, эҳтиёткорлик билан тозалаш амалиётини амалга оширинг.

6. Оқартирувчи кир ювиш кукунидан фойдаланиб тозаламоқчи бўлсангиз, таркибида xлор моддаси бўлмаган кукундан фойдаланинг. Xлор бундай пойабзалларда ўзидан кейин сариқ доғлар қолдиради.

7. Пойабзални тозалашда фақат оқ рангли матодан фойдаланинг, чунки рангли мато ўз рангини оёқ кийимга юқтириш эҳтимоли кучли, айниқса, уни ацетонда тозалаётганда.

8. Мато ўрнига иложи борича, чўтка ишлатинг. Чўтка энг майда тешикларгача кириб, оқ тагли оёқ кийимни яхши тозалайди.

Манба: «Sug'diyona» газетаси