Нью-Йоркда юз берган поезд ҳалокатига тормоз тизимининг ишдан чиқиши сабабчи бўлиши мумкин. Бу ҳақда дастлабки тергов маълумотлари далолат бермоқда.
Қайд этиб ўтамиз, якшанба куни “Metro-North” компаниясига тегишли поезд Бронкс ҳудудидаги кескин бурилишдан кейин рельслардан чиқиб кетган. Тўртта вагон сув бўйидаги жарликка қулаган, яна учтаси рельслардан чиқиб кетган.
Сўнггимаълумотларга кўра, 4 киши ҳалок бўлган, 67 таси яраланган, уларнинг 11 нафари оғир аҳволда. Бундан олдин Нью-Йорк маъмурияти поезд ҳалокати қасддан қилинган жиноий ҳаракатлар ёки террорчилик билан боғлиқ эмаслигини маълум қилганди.
