​ТУРКИЯДА КУЧЛИ СУВ ТОШҚИНИ ЮЗ БЕРДИ, ҚУРБОНЛАР БОР

Туркия шимолидаги Ризе шаҳрида юз берган сув тошқини оқибатида бир киши ҳалок бўлди.

Маълум бўлишича, сув тошқини кучли ёғингарчиликдан сўнг юз берган. Сув тошқини шаҳар ва қишлоқларни боғловчи йўлларга зарар етказди.

Душанба куни бошланган кучли ёмғир ҳафта оҳиригача давом этиши кутилмоқда.

Айни дамда ёғингарчилик оқибатларини бартараф этиш ишлари олиб борилмоқда.