29 ноябр куни Лондонда бўлиб ўтган The Banker молиявий журналининг тантанали тақдирлаш маросимида Очиқ Акциядорлик тижорат "Туронбанк" "2013 йил Банки" дея эълон қилинди.
Банк расмий сатидаги хабарларга кўра, мазкур номинациядаги ғалаба банкнинг бу йилги омадли фаолиятидан давлолат беради. Туронбанк йилнинг энг яхши банки дея эътироф этилишига сабаб унинг Ўзбекистон иқтисодиётида ва молия тизимидаги муҳим роли бўлди.
Мазкур баҳо банкнинг бундан кейинги фаолияти ривожига ҳам катта ҳисса қўшади. Таъкидлаш жоизки, бу йил Туронбанк учун жуда омадли келди, мижозлар ва хизматлардан фойдаланиш сони ортди, банк томонидан янги ва актуал хизматлар таклиф этилди.
