Индианада яшовчи оилавий жуфтлик Amazon интернет-дўконни 1,2 миллион долларга алдаганини тан олди. Бу ҳақда The Star Press нашри хабар берди.
Эрин ва Лия Финан бу ишда бузилган маҳсулотни қайтариш йўлидан фойдаланди. Amazon қоидаларига кўра, нуқсони бор ёки синган харидни алмаштириш учун қайтариш шарт эмас. Улар юзлаб сохта аккаунт рўйхатдан ўтказиб, улар орқали электроника буюртма қилаверишди, гаджетни қўлга киритгач эса маҳсулотни алмаштириб беришни талаб қилди.
Шу йўл билан иккинчи смартфон, камера ёки бошқа ускунани қўлга киритиб, улар нуқсонли маҳсулотни қайтаришга шошилишмади. Интернет-дўкон вакиллари ҳам улардан буни талаб қилишмади.
Қўлга киритилган электроникани улар даллоллар орқали бозордан паст нархга сотавериб, бу йўл билан 1,2 миллион доллар ишлаб олишди.
Энди Эрина ва Лия Финанга 20 йилгача қамоқ жазоси тайинланиши мумкин.
