ТУНГИ КРЕМЛАРДАН ФОЙДАЛАНИШ ШАРТМИ?

Гўзалхонимлар, албатта, тунги кремларга катта миннатдорчилик билдиришлари керак. Юзларига эрта ажин тушган аёллар эса юз териси тунда нафас олиб, дам олиши керак деб, тунги кремдан воз кечганлардир. Лекин айнан тунда юз териси сезувчанлиги кремдаги фойдали моддаларга нисбатан ошади. Тунда юз мушаклари дам олади, моддалар алмашинуви ва қон айланиши кучаяди. Шунинг учун тунги крем кундузги кремдан ҳам фойдалироқдир.

1. Тунги кремни уxлашдан бир неча дақиқа олдин эмас, уxлашдан 2 соат аввал суртинг. Ва албатта, крем қолдиқларини єоғоз сочиєча билан артиб ташланг.

2. Крем суртишдан олдин юзни пардоздан яxшилаб тозаланг.

3. Нафақат юз, балки бўйин ва кўкрак устига ҳам тунги кремдан суртиш ёдингиздан чиқмасин.

4. Кўз тагига суртиладиган крем алоҳида бўлиши керак, агар йўқ бўлса, тунги кремдан кўз атрофига сурта кўрманг.

5. Кремни юзга суртишдан олдин қўлга суртиб, ҳароратни сал юмшатиб олинг, шунда крем юз терисига тез ва осон сингади.

6. 25 ёшгача кундузги кремдан фойдаланишнинг ўзи кифоя. 30 ёшдан кейин эса шартли равишда доимий тунги кремдан фойдаланинг.

7. Тунги ва кундузги крем бир ишлаб чиқарувчига тегишли бўлса, мақсадга мувофиқ бўлади. Агар турли хилидан фойдалансангиз, бир-бирига мос моддалардан ташкил топганлигига аҳамият беринг.

8. 40 ёшдан ошган хонимларга таркибида ретинол, керамид, пантенол, пептид, асал, эфир мойлари мавжуд бўлган тунги кремлар тавсия этилади. 50 дан ошган аёлларга эса эстроген, ферментлар ва аминокислоталардан ташкил топганлари айни муддао.

Манба: «Sug'diyona» газетаси