— Қиш бошланиши билан қизимга тез-тез учуқ тошади. Керакли муолажаларни бажарамиз. Бошқа фарзандларимга ҳам юқмасайди, деб қўрқаман. Аслида ҳам тошма юқумлими?
Санобар, Тошкент шаҳри
Шуҳрат АКБАРОВ, олий тоифали дермато-венеролог:
— Лабдаги герпес тошмасига қўл билан тегиб, сўнг бошқалар билан сўрашганда (агар ўша одамнинг қўл терисида бирор очиқ жароҳат бўлса), шахсий гигиена воситаларидан умумий фойдаланиш, камдан-кам ҳолатда эса ҳаво томчиси йўли билан юқиши мумкин. Шу билан бирга, совқотиш сабаб шамоллаш юзага келганида, тўйиб ухламаслик, сурункали чарчоқ, стерсс ҳолатлари туфайли организмнинг иммун тизими сустлашса ҳам, герпес тошмаси пайдо бўлади.
