Сўнгги 40 йилда бутун дунёда семизликдан азият чекадиган болалар сони 11 мартага ошди. Бу ҳақда Жаҳон Соғлиқни сақлаш ташкилотининг тадқиқотида маълум бўлди.
Тадқиқот Лондоннинг Империя коллежи мутахассислари билан ўтказилди ва у 40 йил ичидаги кенг кўламли тадқиқот саналади. Олинган маълумотларга кўра, семизликдан азият чекадиган болалар ва ўсмирлар сони 124 миллионни ташкил қилган.
Катталарнинг статистикаси ҳам ҳурсанд қилмаяпти – бу рақам 40 йилда 100 миллиондан 671 миллионгача ўсган.
Яна қарийб 1,3 миллиард киши ортиқча вазндан азият чекади.
