Американинг Атланта шаҳрида (Жоржия штати) 24 ёшли кўп болали она икки ўғлини ўлдирганликда айбланмоқда.
Бу ҳақда The Atlanta Journal-Constitution хабар берди. Терговда маълум бўлишича, аёл 1 ва 2 ёшли болаларини газ печига тиққан.
Маълум бўлишича, аёл фарзандларининг отасига қўнғироқ қилиб, видеочатда болаларнинг танасини кўрсатган. Эркак дарҳол полицияга қўнғироқ қилган. Аниқланишича, уларнинг яна бир ўғли Жамиль жабрланмаган. 6 ёшли қизи эса шу куни қариндошлариникида меҳмонда бўлган.
Нашрнинг қайд этишича, она руҳий касал бўлган, аммо шифокорларга мурожаат қилмаган. Касаллик отасидан айрилгач ва тўрт болани дунёга келтиргач авж олган. Бир ой олдин болаларига энага тополмагани учун ишдан бўшаган.
Яқин дугонасининг айтишича, аёл фарзандларини якка ўзи тарбиялаган, отасидан эса зарурий ёрдам ололмаган.
Аёл ўғилларини танишларига ташлаганини, уйга келганида эса уларни ўлик ҳолда топганини маълум қилмоқда. Бироқ полиция бу кўрсатмага ишонмаяпти, деб ёзади Lenta.ru.
