Ўзбекистон Республикаси Адлия вазирлиги томонидан Тошкент шаҳар Мирзо Улуғбек тумани ҳокимлиги ҳузуридаги Тадбиркорлик субъектларини давлат рўйхатидан ўтказиш инспекциясида тадбиркорларга янада қулайлик яратиш мақсадида “Ягона ойна” тизимини ташкил этиди.
Бу ерда ортиқча вақт йўқотиш каби жараёнларга барҳам бериш учун тадбиркорлар ва тадбиркорлик субъектларини тегишли мутахассислар ёрдамида давлат рўйхатидан ўтказиш, коммуникация тармоқларига уланиш, ер ажратиш, рухсатномалар бериш каби масалаларда амалий ёрдам кўрсатилади, дея [url=http://minjust.uz/uz/press/news/2014/01/4805/]хабар беради Вазирлик матбуот хизмати.
Шунингдек, тизим орқали тадбиркорлар кредит ажратиш учун зарур ҳужжатларни расмийлаштириш, тураржой биноларини нотураржой тоифасига ўтказиш учун рухсат берувчи ҳужжатларни қисқа муддатда тайёрлаш, ер участкасига эгалик ҳуқуқини давлат рўйхатидан ўтказиш, туманда бўш турган биноларни ижарага бериш ҳамда сотиб олиш имкониятлари билан яқиндан танишиш учун батафсил маълумот олиши мумкин.
