Ўзбекистон Фавқулодда вазиятлар вазирлиги мамлакатнинг айрим ҳудудларида шамолнинг кучайиши ҳақида огоҳлантирди.
Ўзбекистон ФВВ маълумотларига кўра, 2 ноябрь куни Қорақалпоғистон Республикаси ва Хоразм вилояти, 3 ноябрда эса – Сурхондарё, Қашқадарё, Бухоро, Навоий, Самарқанд, Жиззах, Сирдарё ҳамда Тошкент вилоятлари ва Тошкент шаҳрида шамол тезлиги 17-22 м/с.га (60-80 км/с) қадар кучайиши кутилмоқда.
ФВВ фуқаролардан кучли шамол чоғида эҳтиёт чораларини кўришни сўраган.
