14.02.2014 11:50
3836
Жанубий Корея ва КХДР юқори даражадаги иккинчи музокараларни ўтказди
Бу ҳақда РИА ахборот агентлиги хабар бермоқда. Ҳозирча томонлар музокаралар юзасидан ҳеч қандай расмий баёнот беришмади.
Музокаралар Пханмунчжом чегара пунктида бўлиб ўтди. Унда 1950-1953 йилларда Корея уруши вақтида ажралиб кетган оилаларнинг учрашувлари муҳокама қилинди. Шунингдек, КХДР Жанубий Кореядан Америка-Жанубий Корея ҳарбий ўқув машғулотларини бекор қилишни талаб қилди.
Аввалига ажралиб кетган оилалар учрашувлари 20-25 феврал кунлари бўлиб ўтиши режалаштирилган эди. 2013 йилнинг куз ойида томонлар учрашувни ташкил қилишга тайёр эдилар, аммо сўнгги паллада учрашув бекор қилинган.