87 ёшли қўшнимнинг ўғли яқинда вафот этди. Шу ўғлининг иккинчи оиласидан бўлган 10 ёшли қизи бор. Қўшнимнинг нафақаси боланинг таъминоти учун етмаяпти. Пенсия жамғармасига мурожаат қилиб, набираси учун боқувчисини йўқотганлик нафақасини олса бўладими? Моддий томондан анча қийналиб қолишди.
Таваккалхон Сиддиқова, Юқори Чирчиқ тумани
Боқувчисини йўқотган меҳнатга лаёқатсиз оила аъзоларига нисбатан боқувчисини йўқотганлик пенсиясини сўраб мурожаат этиш мумкин.
Агар боқувчининг иш стажи бўлмаса, боқувчисини йўқотганлик нафақаси тайинланади.
Бунинг учун ариза, ўлим тўғрисида гувоҳнома, васийлик белгиланганлиги ҳақида қарор, иш стажи тўғрисида ҳужжатлар, туғилганлик тўғрисида гувоҳнома ва бошқа зарур ҳужжатлар билан бирга яшаш манзили бўйича Пенсия жамғармаси бўлимига мурожаат этиш тавсия этилади.
Манба: «Sug'diyona» газетаси
