Тўрт дона ўзбек миллий сўзанаси Лондондаги Sotheby’s аукционида 43 875 фунт стерлингга сотилди. Бу ҳақда UzDaily нашри хабар бермоқда.
Аукцион 5 март куни “Кўришнинг минг усули: Стенли Ж. Сигернинг хусусий коллекцияси” аукцион-кўргазмаси доирасида бўлиб ўтди.
Савдога 19 асрда тайёрланган иккита Шаҳрисабз, битта Бухоро ва Lakhai сўзанаси қўйилган.
Қайд этиш жоизки, Lakhai сўзанасининг бошланғич баҳоси 2-4 минг фунт бўлиб, у 27,5 мингга сотилган. Шаҳрисабзнинг иккита сўзанаси бошланғич баҳоси эса 1,5 -1,2 минг фунт бўлиб, улар 3,25 минг ҳамда 8125 фунт стерлингга сотилди.
