АҚШнинг Филадельфия шаҳри аэропортида US Airways компанияси йўловчи лайнери ҳалокатга учради.
Номаълум сабабларга кўра, самолётнинг олд шасси устуни синиб кетган. Бунинг оқибатида самолёт учиш-қўниш йўлидан чиқиб кетган ва бурни билан ерга қулаган. Айрим маълумотларга кўра, ҳеч ким жароҳат олмаган.
Самолёт бортидаги йўловчилар қутқарув трапи орқали эвакуация қилинган. Учиш-қўниш йўли эса вақтинча ёпиб қўйилган.
