Тошкент Марказий вокзалида Австриядан келтирилган янги темирйўл мажмуасининг тақдимоти бўлиб ўтди.
Podrobno.uz нашрининг хабар беришича, мазкур техника Австриянинг “Plasser & Theurer” фирмасининг энг сўнгги ишланмаларидан бири ҳисобланади. Фирма қурилиш, йўллар ҳамда алоқа тармоқларини сақлаш ҳамда таъмирлаш учун машиналар ишлаб чиқариш билан шуғулланади.
Янги темирйўл комплекси учта технологик қисмдан иборат бўлиб, уларнинг ҳар-бири йўлларни қуриш ҳамда сифатини текшириб боришда алоҳида вазифани бажаради. Унинг ишлаш тезлиги бир суткада 4-5 километрни ташкил қилади.
Йил якунига қадар “Ўзбекистон темир йўллари” ДАТК шундай комплекслардан яна иккитасини харид қилишни режалаштирмоқда.
