2017 йилнинг 15 декабрь куни, “Тозалаш-Антитеррор” тадбири доирасида Тошкент шаҳар ИИББ ЙҲХБ ходимлари томонидан рейдлар ўтказилди.
Тадбирга жалб қилинган шахсий таркибнинг асосий эътибори жиноятчиликнинг ва йўл-транспорт ҳодисаларининг олдини олиш, йўл ҳаракати хавфсизлигини таъминлаш, шунингдек қўпол турдаги йўл ҳаракати қоидабузарликлари, жумладан: маст ҳолатда транспорт воситасини бошқариш, транспорт воситасини ҳужжатларсиз бошқариш ва шу каби бошқа қоидабузарликларини аниқлашга қаратилди.
Ўтказилган рейдлар жараёнида йўл ҳаракати иштирокчилари томонидан жами 227 та қоидабузарликлар аниқланди:
Шулардан:
- маст ҳолатда транспорт воситасини бошқариш – 4 та;
- транспорт воситаларини ҳужжатсиз бошқариш – 3 та;
- светофорнинг тақиқловчи чироғига риоя қилмаслик – 9 та;
- ҳаракат давомида уяли телефондан фойдаланиш – 12 та;
- қорайтирилган ойнали транспорт воситасида ҳаракатланиш– 1 та;
- бўйсунмаслик – 1;
- одам ташиши қоидаларини бузиш – 39 та;
- йўл белгиларига риоя қилмаслик – 47 та;
- ҳавфсизлик камарини тақиш қоидаларига бўйсунмаслик – 70 та;
- бошқа қоидабузарликлар – 41 та.
Жами 9 та транспорт воситалари жарима майдончасига қўйилган.
Ҳозирда ушбу йўналишда тадбирларнинг ўтказилиши давом эттирилмоқда.