Эълон қилинганидек, 2014 йилнинг 1 январидан бошлаб, Ягона интерактив давлат хизматлари порталида электрон рақамли имзодан фойдаланган ҳолда тадбиркорлик субектларини рўйхатга олиш хизмати жорий этилди.
Эндиликда ушбу хизмат, Ягона портал фойдаланувчиларининг хоҳишларини инобатга олган ҳолда, электрон рақамли имзодан фойдаланиш мажбуриятисиз, синов тартибида тақдим этилади. Шу билан бирга, фойдаланувчилар ID.UZ тизимидан рўйхатдан ўтишлари лозим. Шундай қилиб, жараённи соддалаштириш эвазига, бизнесни рўйхатга олишда, яна бир, давлат органларига ташриф буюриш, эҳтиёжи бартараф этилди.
