Актриса Зарина Низомиддинова ўғлининг отаси — биринчи турмуш ўртоғи билан муносабатлари ҳақида очиқча гапиришга қарор қилди...
Зарина Низомиддинова: — Ота-онам менга ҳеч қачон ёлғон гапирмаган. Мен ҳам худди шу тарбия усулини ўғлимда қўллаяпман. У ҳамма нарсани борича қабул қилишга кичиклигидан ўрганишса ҳаётда камроқ қийналишади. Иккинчи синф ўқувчиси бўлса ҳам катта одамлардек суҳбатда бўламиз. Мисол учун дадаси чет элда, бир-биримизга тўғри келмаганимиз учун ажрашганимизни, ҳатто муносабатларимиз яхши эмаслигини ҳам тушунтириб берганман.
Кўчада мен ҳақимда ёлғон гапларни эшитиб сиқилгандан кўра, ўзимдан бор гапни билгани яхшироқ, назаримда. Собиқ турмуш ўртоғим билан ажрашганимиздан сўнг қайта ярашишга кўп уринди. Уйимизга келиб кечирим сўраган пайтлари ҳам бўлганди. Ўша пайтларда болам, деб меҳр кўрсатганини эслолмайман. Она учун боласига нисбатан бундай бепарволик оғир ботади. Айтмоқчиманки, ўғлим Темирхон бўлиб ўтган воқеалардан кейин дадасини қўмсаши ёки соғиниши қийин.
